Аҳмад Али Ал-Ҳузайфий «Қуръон Карим» тиловати (30 пора тўлиқ)

«Аҳмад Али Ал-Ҳузайфий»

    Али ибн Абдураҳмон бин Али бин Аҳмад Ҳузайфий

    Ассалому алайкум ва роҳматуллоҳи ва барокатуҳ! Бисмиллаҳир Роҳманир Роҳийм.. Аллоҳ Таолонинг мадади ва инояти бирла, Сизмуҳтарам тингловчиларимизнинг хайрли дуолари билан Қуръони Карим ҳофизи рукни остида сиз учун тайёрланаётган аудио жамланмаларимизнинг навбатдагиси сохир овоз соҳиби Ал Ҳузайфийнинг динимиз йўлидаги хайрли амалларига бағишланади.

    Али ибн Абдураҳмон бин Али бин Аҳмад Ҳузайфий ҳижрий 1366 йили Макка жанубидаги Авомирда (Қорнул-мустақим қишлоғида) таваллуд топди. Али Ҳузайфий Куръони Карим ва Хатмини, шу билан бирга, турли шаръий илмларни устози шайх Муҳаммад бин Иброҳим қўлида ўрганди. Шундан сўнг ҳижрий 1381 йили Саудия жанубидаги Балжураший шаҳридаги мадрасада, 1383 йили махсус маъҳад (институт) да, 1392 йили Ар-Риёд дорилфунунида, 1395 йили Ал-Азҳар дорулфунининг магистрини тамомлади. Али Хузайфий ҳижрий 1399 йили Масжидун-Набавийга имом-хатиб, Ҳижрий 1401 йили Рамазон ойида Макка шаҳридаги Масжидул-Ҳаромда таровиҳ намозига имомлик қилган. Ҳижрий 1402 йилдан буён эса Мадинадаги Масжидун-Набавийнинг имоми хизматида фаолият юритиб келмокда. У Саудия ва дунёнинг машҳур қориларидан деб эътироф этилган. Иншааллоҳ, Ал Хузайфийнинг қироатлари севимли Қуръони Карим тиловатларидан бирига айланиб қолади, деган умиддамиз.